O Camiño do Norte, declarado Patrimonio da Humanidade pola UNESCO, é una ruta histórica que cruza todo o norte de España e que conduciu ao longo dos séculos a millóns de peregrinos dende os seus lugares de orixe ata Compostela. 

Esta ruta xacobea ten presenza dentro do ámbito de actuación do GDR-01 Terras de Miranda a través dos municipios de Ribadeo, Barreiros, Trabada, Lourenzá e Mondoñedo. 

Durante o teu traxecto a Santiago por este territorio, poderás descubrir importantes monumentos arquitectónicos, pazos, igrexas e ata unha das cinco catedrais de Galicia. Camiñarás a través dos seus verdes bosques e os seus agrestes acantilados onde sentirás toda a forza da natureza viva de Terras de Miranda. Poderás desfrutar da sabedoría da nosa xente e das súas creacións máis especiais, así coma da súa boa man para a cociña, con elaboracións gastronómicas a base dos mellores ingredientes da nosa terra e do noso mar. 

Presentando dúas vertentes, o Camiño do Norte entra en Galicia polos municipios de Ribadeo e Trabada. Se escolles a vertente de Ribadeo continuarás por Barreiros e Lourenzá ata chegar a Mondoñedo. En Cambio, se elixes ir por Trabada, percorrerás Lourenzá ata alcanzar Mondoñedo. 

Este proxecto enmárcase dentro do programa O teu Xacobeo da Xunta de Galicia. 

mapa-cartel-andaina

Un dos aspectos que se queren impulsar dende o GDR-01 Terras de Miranda son as experiencias vinculadas ao Camiño do Norte que se poden desfrutar no territorio da Mariña Lucense, nos municipios polos que transcorre o mesmo: Ribadeo, Barreiros, Trabada, Lourenzá e Mondoñedo. 

Descárgate as experiencias ligadas ao Camiño do Norte en Terras de Miranda.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies